საქართველოს ქალ ფეხბურთელთა ნაკრების და ქსკ “ლანჩხუთის” ყოფილი ფეხბურთელი ნინო ჩხარტიშვილი კარიერას თურქულ “სივასპორში” გააგრძელებს.
ახალგაზრდა ცენტრალურმა მცველმა ახალ კლუბთან 6-თვიან კონტრაქტს მოაწერა ხელი.
აღსანიშნავია, რომ “სივასპორში” 4 ქართველი ფეხბურთელი: თეონა სუხაშვილი, მარიამ დანელია, მარიამ ჯანიკაშვილი და მეგი ეჯიბია თამაშობენ.
ცნობისთვის, ნინი ჩხარტიშვილი ქსკ “ლანჩხუთში” 10 წელი თამაშობდა. ამ დროის მანძილზე ახალგაზრდა მცველმა საქართველოს ჩემპიონის ტიტული ორჯერ მოიპოვა, საქართველოს თასი კი ერთხელ მოიგო, ასევე 22 წლის ფეხბურთელი ქსკ “ლანჩხუთთან” ერთად ქალთა ჩემპიონთა ლიგაზეც გავიდა.
