დინამო ბათუმი უეფას კონფერენსლიგას გამოეთიშა. გია გეგუჩაძის გუნდი ძალიან ახლოს იყო პლეი ოფთან, მაგრამ არ გაუმართლა და დამატებით დროში, 110-ე წუთზე გაშვებული ძალიან დასანანი გოლით ევროტურნირს დაემშვიდობა.
შეხვედრის დასრულების შემდეგ, სივასპორის მთავარმა მწვრთნელმა რიზა ჩალიმბაიმ დინამო ბათუმი შეაქო.
“დავაკვირდით დინამო ბათუმის თამაშს. ვიცოდით, რამდენად კარგი გუნდი იყო. ისინი კონტრშეტევებზე კარგად თამაშობენ. ჩამორჩენის შემდეგ, ძალიან მაგრად ვითამაშეთ. შეგვეძლო ამ თამაშის ადრე დასრულება, მაგრამ მთავარი ისაა, რომ მომდევნო ეტაპზე ვითამაშებთ.
მიხარია, რომ შეცვლებმა გაამართლა. ცვლილებაზე შესულმა მოთამაშეებმა ჩემს მოლოდინს გადააჭარებს და გუნდისთვის მაქსიმუმი გააკეთეს.
კოპენჰაგენთან გაგვიჭირდება, რადგანაც რამდენიმე მოთამაშე დაგვაკლდება. ეს იქნება რთული მატჩი, ჩვენ მეტოქეს ვიცნობთ და ორივე მატჩში ბოლომდე” – განაცხადა სივასპორის მთავარმა მწვრთნელმა.
