ბათუმის “დინამოს” ბრაზილიელმა ფეხბურთელმა, ჯოვინო ფლამარიონმა Geo Team-თან ინტერვიუში განაცხადა, რომ საქართველოს ეროვნულ ნაკრებში გამოძახების შანსს ელის.
“დიახ, საქართველოს ნაკრებში მოხვედრის მოტივაციით მივიღე მოქალაქეობა. მე სრულიად მზად ვარ “ჯვაროსნებს” დავეხმარო. თუ მათ ჩემი გამოძახება დასჭირდებათ და სურვილი ექნებათ, 100 პროცენტით დავიხარჯები”, – ამბობს ჯოვინო.
ცნობისთვის, ჯოვინო ფლამარიონი საქართველოში უკვე 5 წელზე მეტია ცხოვრობს. რამდენიმე კვირის წინ მას ქართველი მეუღლისგან, ხატია აბაშიძისგან შვილიც შეეძინა.
შეგახსენებთ, რომ დღეს ბრაზილიელმა ფეხბურთელმა ბათუმის “დინამოსთან” კონტრაქტი კიდევ ორი წლით გაახანგრძლივა.
