ბათუმის დინამოს ნახევარმცველმა, ჯანო ანანიძემ უკრაინაში დაზარალებულ ოჯახებს 2 მანქანით ჰუმანიტარული დახმარება გაუგზავნა.
მოგეხსენებათ, ჯანო ქველმოქმედებით ყოველთვის გამოირჩეოდა. მაგალითად, ლანჩხუთის “გურიამ”, როდესაც ჩემპიონთა ლიგის პლეიოფში გასვლა მოახერხა, ქალ ფეხბურთელებს სათანადო სავარჯიშო პირობები და ეკიპირება არ ჰქონდათ, რაც ჯანოსთვის ცნობილი გახდა და ქალ ფეხბურთელებს უმაღლესი ხარისხის ფორმები და სავარჯიშო ინვენტარი გადასცა.
შეგახსენებთ, რომ რუსეთმა, ვლადიმერ პუტინის ბრძანებით უკრაინას ომი 24 თებერვალს გამოუცხადა. ორ კვირაზე მეტია უკრაინის ქალაქები რუსი აგრესორების მიერ აქტიურად იბომბება, რასაც ათეულობით მშვიდობიანი მოქალაქის სიცოცხლე ემსხვერპლა.
