ამას წინათ რაგბის, კერძოდ კი სპორტის ამ სახეობის ქუთაისელი გულშემატკივრებისთვის სასიამოვნო ინფორმაცია გავრცელდა. პირველად 30 წლის შემდეგ, საქართველოს ჩემპიონი ქუთაისში უნდა გამოვლენილიყო.
ეს ქალაქი ქართული რაგბის კერაა, ამიტომაც დიდი 10-ის ფინალს ნამდვილად იმსახურებს, თუმცა უკვე ეს ამბავიც კითხვის ნიშნის ქვეშ დადგა.
ფინალი 5 ივნისს არის ჩანიშნული, თუმცა თუ ვინ იქნებიან მონაწილე გუნდები? ნახევარფინალური მატჩები ბათუმშა და ქუთაისში დღეს, 29 მაისს უნდა გამართულიყო, მაგრამ ჩაიშალა.
ნახევარფინალში ბათუმს აკადემიასთვის უნდა ემასპინძლა, ხოლო ქუთაისში „აიას“ „ყოჩები“ მიეღო. ორივე დაპირისპირება კი მსაჯების გაფიცვის გამო გაურკვეველი ვადით გადაიდო.
ბათუმში, მატჩის დაწყებამდე რამდენიმე წუთით ადრე მსაჯებმა უკიდურეს ზომებს მიმართესაფიცვის სავარაუდო მიზეზი, გახშირებული შეურაცხყოფის ფაქტები და მათზე არასათანადო რეაგირებაა.
