ჟოზე მოურინიომ, „განსაკუთრებულმა“ როგორც ის საკუთარ თავს უწოდებს ეს გზა ორჯერ გაიარა. ერთ მდინარეში ორჯერ შესვლას ვგულისხმობთ, თორემ პორტუგალიელმა სპეციალისტმა არაერთი გუნდი გამოიცვალა. „ჩელსის“ თავკაცად კი ის ორჯერ მუშაობდა.
ჟოზე მოურინიო რომ ამჟამად „ტოტენჰემს“ ავარჯიშებს არახალი ამბავია. არისტოკრატებში ყოფნის პერიოდში კი ფრენკ ლამპარდი, ჯონ ტერისთან და სხვებთან ერთად მისი გუნდის საკვანძო ფეხბუღტელები იყვნენ. ამიტომაც, არ არის გასაკვირი, რომ ჟოზეს ფრენკთან განსაკუთრებული პატივისცემა ჰქონდეს.
ლამპარდის „ჩელსიდან“ გათავისუფლებას მოურინიო რომ გამოეხმაურებოდა ძნელი მისახვედრი არ უნდა ყოფილიყო.
„ყოველთვის გულთან ახლოს მიმაქვს, როდესაც კოლეგა სამსახურს კარგავს. ლამპარდი კი ჩემთვის მხოლოდ კოლეგა არ არის. ის ჩემს კარიერაში მნიშვნელოვანი ადამიანია. ამიტომაც, ეს ამბავი ორმაგად მეწყინა.
ეს ყველაფერი კი კიდევ ერთხელ მიუთითებს, რომ თანამედროვე ფეხბურთი დაუნდობელია. მწვრთნელის საქმეც ასეთია. წინასწარვე იცი, რომ ადრე თუ გვიან თანამდებობის დატოვება მოგიწევს“ – ამბობს ჟოზე მოურინიო.
