არის 5 წლიანი კონტრაქტი. „ბაიერნის“ სპორტულმა დირექტორმა ჰასან სალიჰამიჯიჩმა, „რეკორდმაისტერის“ მილიონობით გულშემატკივარს ახარა, რომ მომავალი სეზონიდან დარიო უპამეკანო მიუნხენურ გრანდში ითამაშებს.
„ლაიპციგის“ მცველზე „ბაიერნს“ თვალი საკმაო ხანს ჰქონდა დადგმული და საქმეც ბოლომდე მოაკვარახჭინეს.
„დიახ, ვადასტურებ დარიო უპამეკანოს ტრანსფერს. ჩვენ, ბაიერნში ამით ყველა უსაზღვროდ კმაყოფილები ვართ. რამდენიმე თვის განმავლობაში დარიოსთან და მის აგენტთან საქმიანი და მეგობრული მოლაპარაკებები გვქონდა და ყველაფერი დადებითად გადაწყდა. ის ძალზედ ნიჭიერი ფეხბურთელია და დარწმუნებული ვარ ბაიერნს იდეალურად შეეწყობა“ – ამბობს სალიჰამიჯიჩი.
როგორც ავღნიშნეთ, დარიო უპამეკანო „ბაიერნში“ 5 წელს დაჰყოფს. მისი გამოსყიდვა მიუნხენელებს 42,5 მილიონი ევრო დაუჯდათ.
