გადაწყვეტილი ამბავია, რომ ჰანს დიტერ-ფლიკი სეზონის ბოლოს „ბაიერნს“ დატოვებს. ამის შესახებ ცნობილი ჯერ კიდევ ჩემპიონთა ლიგის 1/4 ფინალში, გერმანული გრანდის „პსჟ“-სთან მარცხის შემდეგ გახდა.
ფლიკს გერმანიის ნაკრებში ეპატიჟებიან, რადგან ევროპის ჩემპიონატის შემდეგ ეს თანამდებობაც ვაკანტური ხდება. იოახიმ ლიოვი პოსტს ტოვებს.
რა თქმა უნდა, მიუნხენური კლუბი მომავალ სეზონს მთავარი მწვრთნელის გარეშე ვერ დაიწყებს. გუნდის ხელმძღვანელებმა შესაფერის კანდიდატურაზე ფიქრი უკვე დაიწყეს. საუბარია იულიან ნაგელმსანზე.
„ლაიპციგის“ ახალგაზრდა სპეციალისტი „ბაიერნის“ მთავარი სამიზნეა. როგორც გერმანული მედია იუწყება, მოლაპარაკებებიც უკვე დაწყებულია. უფრო სწორად, მიუნხენელებმა „ლაიპციგს“ ოფიციალური წინადადებით მიმართეს.
თავად ნაგელსმანი ყოველგვარ შეთავაზებას უარყოფს, თუმცა როგორც ამბობენ ცეცხლი უკვამლოდ არ ჩნდება.
დაველოდოთ მოვლენების განვითარებას.
