“დინამო თბილისის” და “უოტფორდის” ყოფილმა მთავარმა მწვრთნელმა ჩისკო მუნიოსმა ესპანურ AS-ს ვრცელი ინტერვიუ მისცა და “ვალენსიას” ქართველ გოლკიპერ გიორგი მამარდაშვილზეც ისაუბრა.
“როდესაც მამარდაშვილთან ურთიერთობის საშუალება მქონდა, ის ძალიან ახალგაზრდა იყო, თუმცა, მისი ხასიათი ყოველთვის მომწონდა. პირველივე დღიდანვე ნათელი იყო, რომ გიორგის განვითარებისთვის მუდმივი სათამაშო პრაქტიკა სჭირდებოდა, მისი შესაძლებლობები კი თავიდანვე სჩანდა. ის იმ დონის მეკარეა, რომელიც ვალენსიასა და საქართველოს ნაკრებს მრავალი წლის განმავლობაში გამოადგება”, – განაცხადა ჩისკომ.
შეგახსენებთ, რომ ჩისკო მუნიოსი ინგლისურ “უოტფორდში” 2020 წლის დეკემბერში დაინიშნა. ის გუნდის მწვრთნელი 43 შეხვედრაში იყო და კლუბს 21 მატჩი მოაგებინა.
21 წლის ქართველი მეკარე გიორგი მამარდაშვილი კი “ვალენსიაში” ერთწლიანი იჯარით გადავიდა და და “ღამურები” მას სეზონის ბოლომდე გამოისყიდის. გიომ მიმდინარე სეზონში 6 მატჩი ჩაატარა, 7 გოლი გაუშვა და 2-ჯერ კარი მშრალად შეინახა.
