ტოკიოში მიმდინარე ზაფხულის ოლიმპიურ თამაშებზე ქართულმა დელეგაციამ მესამე მედალი გაინაღდა.
ძიუდოს ტურნირზე, 90 კგ წონით კატეგორიაში მოასპარეზე ლაშა ბექაურმა ნახევარფინალში რუსი მიხაილ იგოლნიკოვი დაამარცხა და ახლა უკვე ოქროს მედლისთვის იბრძოლებს.
ფინალში ქართველი ძიუდოისტის მეტოქე გერმანელი ედუარდ ტრიპელი იქნება.
ნახევარფინალამდე ბექაურმა უზბეკი, დავლატ ბობონოვი დაამარცხა, უფრო ადრე კი ისრაელის წარმომადგენელს, ლი კოჩმანს და პოლონელ პიოტრ კუჩერას მოუგო.
