გუშინ ქართული ფეხბურთის ახალი ისტორია დაიწერა. საქართველოს ნაკრების მეკარე, გიორგი მამარდაშვილი გახდა პირველი ქართველი ფეხბურთელი, რომელმაც ესპანეთის ჩემპიონატში მადრიდის „რეალის“ წინააღმდეგ სასტარტო შემადგენლობიდან ითამაშა.
გაზეთმა “მარკამ” ახალგაზრდა ქართველ მეკარეს ორი რჩევა მისცა:
“20 წლის გიორგი მამარდაშვილი ციკლონივით შემოიჭრა ლა ლიგაში, თუმცა ორი ეპიზოდი მისთვის სასწავლებელი უნდა იყოს, ოსასუნასთან გაუქმებული გოლი და რეალთან საბედისწერო გამოსვლა”
“მას შესანიშნავი მონაცემები აქვს, თუმცა საკუთარი შეცდომებიდანაც დასკვნა უნდა გამოიტანოს. მან ბორდალასის ნდობა მოიპოვა და 5 ტურია სასტარტოშია, მან პირველი მეკარეობისთვის ბრძოლა უკვე მოიგო. ეს ნამდვილი ფურორია, მამარდაშვილი აბსოლუტურად არსაიდან გამოჩნდა. ეს ორი ინციდენტი კი მას განვითარებაში დაეხმარება. – ნათქვამია მარკას სტატიაში
შეგახსნებთ, რომ 20 წლის ქართველ მეკარეს ლა ლიგის 5 ტურში მხოლოდ 4 გოლი აქვს გაშვებული და მის ანგარიშზე ასევე 2 მშრალად შენახული კარია.
ესპანეთის ჩემპიონატის მომდევნო ტურში ღამურები “სევილიას” დაუპირისპირდება და ვიმედოვნოთ, რომ გიორგი მამარდაშვილი ვალენსიური კლუბის კარს კვლავ დაიცავს.
