23 წლის ქართველი ჩოგბურთელი მარიამ ბოლქვაძე ამერიკის ღია პირველობის მეორე საკვალიფიკაციო წრეში 18 წლის ბრიტანელ ემმა რადუკანუსთან დამარცხდა და ბრძოლას გამოეთიშა – 3:6, 5:7.
შეხვედრა საათსა და 39 წუთს გაგრძელდა. მარიამმა პირველ და მეორე სეტებშიც საკუთარი 2-2 მოწოდება დათმო და ტურნირს დაემშვიდობა.
შეგახსენებთ, რომ ამერიკის ღია პირველობაზე მარიამის საუკეთესო შედეგი ძირითადი ბადის მე-2 წრეში თამაშია.








