ავსტრალიის ღია პირველობის საკვალიფიკაციო ეტაპზე ასპარეზობა გამარჯვებით დაიწყო ეკატერინე გორგოძემ.
ქართველმა ჩოგბურთელმა პირველ წრეში შვეიცარიელი ლეონი კუნგი სამ სეტში – 6:3, 1:6, 6:3 დაამარცხა. მომდევნო ეტაპზე გორგოძის მეტოქე, რეიტინგის 740-ე ნომერი, მასპინძელი კიმბერლი ბირელი იქნება.
გორგოძის გარდა საკვალიფიკაციო წრეში კიდევ ერთი ქართველი, მარიამ ბოლქვაძე ასპარეზობდა, თუმცა, სამწუხაროდ, რუმინელ ირინა ბარასთან ორ სეტში – 1:6, 4:6 დამარცხდა.