“ვალენსიამ” გიორგი მამარდაშვილი 2021 წლის დეკემბერში “დინამო თბილისიდან” ოფიციალურად გამოისყიდა და კონტრაქტი 2024 წლამდე გაუფორმა. ქართველ მეკარეს კლუბში მცირე სათამაშო დრო ეძლევა, რაც ცხადია მის განვითარებაზე მოქმედებს. ხოსე ბორდალასმა მამარდაშვილი 23 იანვარს მადრიდის “ატლეტიკოსთან” განაცხადშიც კი არ შეიყვანა, მიზეზად კი აწონვის დროს დაფიქსირებული ზედმეტი წონა აღმოჩნდა.
აღნიშნული საკითხის შესახებ ცნობილმა გამოცემა, მარკამ გიორგი მამარდაშვილს სტატია მიუძღვნა.
“გიორგი მამარდაშვილთან დაკავშირებით სიტუაცია უცნაურია. 20 წლის ასაკში მას კარგი შანსი ჰქონდა ეთამაშა ისეთ ცნობილ კლუბში, როგორიც “ვალენსიაა”. მან სენსაციური თამაშები შემოგვთავაზა, შემდეგ კი სათადარიგოთა სკამზე დაბრუნდა და საერთოდ გაქრა. მას კოპა დელ რეიზეც კი არ მიეცა თამაშის უფლება.
ჩვენი ინფორმაციით, მამარდაშვილი გაკვირვებულია და მისი გარემოცვაც შეშფოთებულია განვითარებული მოვლენების გამო. მას ალბათ არ შეეძლო წარმოედგინა, როცა “ვალენსიას” ძირითად შემადგენლობაში თამაში მოუწია. ეს მისთვის წარმატებული დასაწყისი იყო. რაც ამის შემდეგ მოხდა, სახეში გალაწუნებას ჰგავდა. მან კარგად იცის, თუ რატომ მოუწია სათადარიგოთა სკამზე გადასვლა, სასწავლი კიდევ ბევრი აქვს, მაგრამ იყო იმედი, რომ ბორდალასი ესპანეთის თასზე მაინც ათამაშებდა.
ეს კი უკვე სახეში მეორე სილის გაწნას ჰგავს, ის თასზე სამჯერ იყო ხაუმეს სათადარიგო და უსიტყვოდ ელოდებოდა თავის შანსს. რაც “ატლეტიკოსთან” მატჩის წინ მოხდა, ზედმეტი წონის გამო, მორიგი გაფრთხილებაა მწვრთნელის მხრიდან მიიღო. მოკლედ, გიორგიმ ბევრი დარტყმა მიიღო. ეს ყველაფერი გიორგისთვის მწარე რეალობაა.
ის 21 წლის ბიჭია, ვისგანაც ნამდვილი ვარსკვლავი შეიძლება დადგეს, მაგრამ ამისთვის ბევრი შრომაა საჭირო.
ამ ასაკში სათამაშო პრაქტიკა აუცილებელია და ტრანსფერის საკითხი აუცილებლად დადგება. ამ ასაკში მას თამაში სურს და თუ ეს შეუძლებელია, მაშინ იჯარით გადასვლაზე იფიქრებს”, – წერს მარკა მამარდაშვილზე.
