ზუსტად 26 წლის წინ, საქართველოს ეროვნული ნაკრების ყოფილმა შემტევმა ნახევარმცველმა, გიორგი ქინქლაძემ, ,,მანჩესტერ სიტისთან” კონტრაქტი გააფორმა.
მანჩესტერ “სიტის” ოფიციალური გვერდი გიორგი ქინქლაძეზე პოსტს აქვეყნებს და ვიდეოს უძღვნის შემდეგი წარწერით: “ზუსტად 26 წლის წინ, ქართველი გენიოსი დავიმატეთ”.
გიორგი ქინქლაძე მანჩესტერ “სიტის” რიგებში 1995-1998 წლებში ირიცხებოდა, სადაც 106 მატჩი ჩაატარა და გოლით თავი 20-ჯერ გამოიჩინა. ქინქლაძე მანჩესტერ “სიტის” ერთ-ერთ ლეგენდად დღემდე მოიხსენიება.
