“ვალენსიამ” გიორგი მამარდაშვილი 2021 წლის დეკემბერში “დინამო თბილისიდან” ოფიციალურად გამოისყიდა და კონტრაქტი 2024 წლამდე გაუფორმა. ქართველ მეკარეს სექტემბრის სათამაშო დრო ფაქტობრივად აღარ ეძლევა, რაც ცხადია მის პროგრესზე უარყოფითად მოქმედებს. ხოსე ბორდალასმა მამარდაშვილი 23 იანვარს მადრიდის „ატლეტიკოს“ წინააღმდეგ განაცხადშიც არ შეიყვანა, მიზეზად კი აწონვის დროს დაფიქსირებული ზედმეტი კილოგრამები დაასახელა.
ფაქტმა „ღამურების“ ქომაგების გაღიზიანება გამოიწვია და მათ ქართველ მეკარეს მხარი ღიად დაუჭირეს:
„ხაუმე კარში არ უნდა იდგეს, საშინელი გამოსვლები აქვს. მამარდაშვილს სათამაშო დრო სჭირდება, აბა აქ რისთვის მოვიდა?“
„10 კილოგრამით მსუქანი მამარდაშვილი მირჩევნია, ხაუმე დომენეკს“.
„დროა, მამარდაშვილი იჯარით წავიდეს და არ დაკარგოს მთელი სეზონი, ის ძალიან პერსპექტიული ფეხბურთელია“.
„რა ცვლილებები უნდა გავაკეთოთ, შეხედეთ სათადარიგო სკამს. ერთადერთი რაც ბორდალასს შეუძლია გააკეთოს, მამარდაშვილის აუცილებლად დაყენებაა“, – წერენ „ვალენსიას“ ფანები ტვიტერზე.
