რუსეთის პრემიერ-ლიგის მე-3 ტურში ლუკა გაგნიძის “ურალი” “სოჩის” ესტუმრა და 0:2 დამარცხდა. 18 წლის ქართველი ნახევარმცველი, რომელიც “დინამო” მოსკოვის საკუთრებაა და ეკატერინბურგში იჯარით თამაშობს, მოედანზე 65-ე წუთზე შევიდა. მიუხედავად იმისა, რომ “ურალი” აშკარად სუსტად გამოიყურება, ლუკას ურიგო შთაბეჭდილება არ დაუტოვებია. “ჩემპიონატმა” მისი თამაში 6 ქულით შეაფასა.
იური მატვეევი (ურალის მწვრთნელი): “ის მხოლოდ ორი კვირაა ჩვენთან ერთად. ლუკას ძალიან კარგი ტექნიკური არსენალი და ნათელი გონება აქვს. იმედი მაქვს, რომ მომავალში ბევრ სარგებელს მოგვიტანს”.
შეგახსენებთ, რომ ლუკა გაგნიძე მოსკოვის “დინამომ” “დინამო” თბილისისგან შეიძინა და მას 5-წლიანი კონტრაქტი გაუფორმა, შემდეგ კი იჯარით “ურალში’ გაუშვა.
