ყაზანის “რუბინის” სპორტულმა დირექტორმა, ოლეგ იაროვინსკიმ ხვიჩა კვარაცხელიას მიმართ დაინტერესებული კლუბები გაიხსენა.
“ხვიჩათი ბუნდესლიგის და პრემიერ ლიგის ორი ტოპ კლუბი ინტერესდებოდა. რომელიმე მათგანს კვარაცხელიას თაობაზე ოფიციალური შეთავაზება რომ გაეკეთებინა, რა თქმა უნდა გავყიდდით, მაგრამ მათ ეს არ გააკეთეს.
ხვიჩა ნიჭიერი ფეხბურთელია, რომელიც აუცილებლად გადავა ევროპულ ტოპ კლუბში. სამწუხაროდ, არცერთს არ გვაქვს მოთმინება და მისი გაყიდვა ყველამ ჯერ კიდევ მაისში დაიწყო, როცა არც კი იყო შემოთავაზება.
მე ხვიჩას ვესაუბრე და ვუთხარი, რომ, თუ შემოთავაზება იქნებოდა აუცილებლად გავუშვებდით.
ჭორები პრესაში ყოველდღე ჩნდებოდა. ხვიჩა კი მხოლოდ მაშინ დამშვიდდა, როცა სატრანსფერო ფანჯარა დაიხურა”, – განაცხადა “რუბინის” სპორტულმა დირექტორმა.
