მანჩესტერ სიტის ნახევარმცველმა და ერთ-ერთმა ლიდერმა კევინ დე ბრუინემ, მანჩესტერ იუნაიტედთან პრემიერ ლიგის მე-12 ტურის მატჩის შესახებ, მოლოდინებზე ისაუბრა.
„ჩვენ ძალიან ფრთხილად უნდა ვიყოთ, განსაკუთრებით იმ ყველაფრის შემდეგ, რაც მათ ამ კვირაში დაემართათ.
ეს თამაში მათთვის კარგი შესაძლებლობაა გულშემატკივრის თვალში რეაბილიტაცია მოახდინონ და აჩვენონ , რომ ლაიფციგთან მარცხისას არ გაუმართლათ.
ჩვენ ამის შესახებ უნდა ვიცოდეთ. საბოლოო ჯამში, ანალოგიურ სიტუაციაში ვართ – ორივე გუნდს სურს შეინარჩუნოს ბოლო რამდენიმე კვირის იმპულსი და ეს მნიშვნელოვანია.
ის, რომ იუნაიტედმა პრემიერ ლიგის ხუთი საშინაო მატჩიდან მხოლოდ ერთი მოიგო, არაფერს ნიშნავს. ეს განსხვავებული თამაშია და მე მესმის, რომ სტუმრად ისეთ დიდ კლუბთან თამაში, როგორიც მანჩესტერ იუნაიტედია, ძალიან რთულია.
ამბობენ, რომ მათ დაცვაში პრობლემები აქვთ, რაშიც ბოლომდე დარწმუნებული არ ვარ, რადგან ყველა თამაშს ნამდვილად არ ვუყურებ“, – ციტირებს დე ბრიუნს FourFourTwo.
შეგახსენებთ, რომ მანჩესტერ იუნაიტედის და მანჩესტერ სიტის დაპირისპირება, Old Trafford-ზე თბილისის დროით 21:30 საათზე დაიწყება.
