La Gazzetta Dello Sport-მა საქართველოს ნაკრების და “მილანის” ყოფილ ფეხბურთელთან, ასევე ამჟამინდელ თბილისის მერთან კახა კალაძესთან ინტერვიუ ჩაწერა და ანდრეი შევჩენკოზე ისაუბრა.
– “ჯენოას” გარემოსაც იცნობთ, როგორ მოერგება გუნდს შევჩენკო?
– “ძალიან თბილი გარემოა, ტიფოზებს გუნდი ძალიან უყვართ, ამას გრძნობ, როცა იქ ხარ. შევამ და ტასოტიმ არცთუ ისე მარტივი გამოწვევა მიიღეს, მაგრამ საინტერესო. შევა შრომისმოყვარეა და უყვარს მწვრთნელობა, გამოწვევები მისთვის სტიმულია. დარწმუნებული ვარ, ის ყველაფერს გააკეთებს, რომ “ჯენოა” დაუბრუნდეს იმ დონეს, რომელსაც იმსახურებს. არ დაგვავიწყდეს, რომ ეს ისტორიული კლუბია. შევას ვუსურვებ, რომ “ჯენოა” იმ სიმაღლეზე დააბრუნოს, რასაც კლუბი და მისი გულშემატკივრები იმსახურებენ. დარწმუნებული ვარ, მაქსიმუმს გაიღებს, რადგან სერიოზული პროფესიონალი და შესანიშნავი ადამიანია”, – განაცხადა კალაძემ.
შეგახსენებთ, რომ კახა კალაძე “მილანში” 2001-2010 წლებში თამაშობდა. მან 284 მატჩში 13 გოლი გაიტანა, ორჯერ ჩემპიონთა ლიგა მოიგო, ერთხელ კი სკუდეტო.
ქართველი მცველი “ჯენოაში” 2010-2012 წლებში თამაშობდა და 56 შეხვედრაშ ორი გოლის გატანა მოახერხა.
