საქართველოს ეროვნული ნაკრების ყოფილმა კაპიტანმა და ახლა უკვე თბილისის მერმა, კახა კალაძემ მედიის წარმომადგენლებთან წარსულში პროფესიონალ მოკრივეს და მსოფლიოს ჩემპიონს, ახლა კი უკვე კიევის მერს, ვიტალი კლიჩკოს და უკრაინელ ხალხს მხარდაჭერა გამოუცხადა.
“ვიტალი კლიჩკოსთან მე მეგობრობა მაკავშირებს, დღესაც ვესაუბრე. მეუბნებოდა მიმდინარე მოვლენებზე, ჩვენ ჩვენი მხრიდან აღვუთქვით მხარდაჭერა, თხოვნა იყო თუ შესაძლებელი იქნებოდა, ეს ჰუმანიტალური ტვირთები, რომლებიც იგზავნება საქართველოდან და გულწრფელად მინდა ყველას უღრმესი მადლობა გადავუხადო. თხოვნაა, ისეთი ქალაქებისთვის მიგვეწოდებინა, ხარკოვი, მარიუპოლი, სადაც ყველა მეტად სჭირდებათ დახმარება”, – განაცხადა კალაძემ.
შეგახსენებთ, რომ ვლადიმერი და მისი ძმა ვიტალი კრივში მრავალი წლის განმავლობაში მსოფლიო ჩემპიონები იყვნენ, შესაბამისად მათი სახელი ნებისმიერ ქვეყანაში იციან და თავშესაფრის პოვნა და ომისგან არიდება მარტივად შეეძლოთ, თუმცა ფრონტის წინა ხაზზე შეიარაღებული დგანან თავისი ქვეყნის და მიწის დასაცავად.
