ესპანეთის ნაკრებთან დაპირისპირებამდე, ჩვენი გუნდის ვიცე-კაპიტანმა, გურამ კაშიამ მოახლოებულ შეხვედრაზე ისაუბრა.
„კოსოვოსთან მარცხის შემდეგ რეაბილიტაცია რთულია, თუმცა ჩვენ ვცდილობთ. ის, რაც რამდენიმე თვის წინ ესპანეთთან გავაკეთეთ გვეხმარება და ყველაფერს ვიზამთ, რომ ამ მატჩისგან მაქსიმუმი მივიღოთ. ვიცით, რომ ჩვენი გამარჯვება ნაკლებსავარაუდოა, მაგრამ ყველაფერს გავიღებთ რაც შეგვიძლია, რომ ქულა მაინც მოვიპოვოთ“, – განაცხადა გურამ კაშიამ.
შეგახსენებთ, რომ მსოფლიო ჩემპიონატის შესარჩევი ეტაპის მე-5 ტურის შეხვედრა ესპანეთისა და საქართველოს ეროვნულ ნაკრებებს შორის 5 სექტემბერს, თბილისის დროით 22:45 საათზე გაიმართება. მატჩის პირდაპირ რეპორტაჟს საზოგადოებრივი მაუწყებელი შემოგთავაზებთ.
გუნდისგან განსხავებულ მენტალიტეტს ველოდები – სანიოლი ესპანეთთან მატჩზე
