ეროვნული ლიგის მეორე ტურის ცენტრალურ მატჩში ერთმანეთს საქართველოს მოქმედი ჩემპიონი, “დინამო ბათუმი” და ვიცე-ჩემპიონი, “დინამო თბილისი” დაუპირისპირდნენ. შეხვედრა ბათუმელთა სრული უპირატესობით მიმდინარეობდა და კახა ცხადაძის გუნდი 3:0 დაამარცხდა.
აღნიშნულ მატჩს საქართველოს ნაკრების მთავარი მწვრთნელი, ვილი სანიოლი დაესწრო, რომელმაც სულ მალე მარტის სანაკრებო თამაშებისთვის შემადგენლობა უნდა დაასახელოს.
შეგახსენებთ, რომ საქართველოს ეროვნული ნაკრები მარტში 2 ამხანაგურ მატჩს გამართავს. “ჯვაროსნები” 25 მარტს ბოსნიას, 29 კი მარტს ალბანეთს შეხვდებიან.
