1981 წლის 13 მაისი დღემდე ქართული ფეხბურთის ერთადერთი დიდი გამარჯვების თარიღია. ეს დღე დავიწყებას არასოდეს მიეცემა.
ქართული მედიის გარდა, თბილისის „დინამოს“ 40 წლის წინანდელ დიუსელდორფულ გამარჯვებაზე უცხოური გამოცემებიც წერენ. ერთ-ერთი ასეთი კი პოპულარული გამოცემა Guardian-ია.
ბრიტანელი ჟურნალისტები ქართული ფეხბურთის ფლაგმანზე აღმატებით ხარისხში საუბრობენ.
„თბილისის დინამო – გუნდი, რომელმაც „ლივერპული“ მიწასთან გაასწორა. ქართული კლუბი საქვეყნოდ ცნობილი სწორედ მას შემდეგ გახდა.
1981 წელს კი „დინამომ“ თასების თასი მოიგო. ეს 13 მაისს, გერმანიის ქალაქ დიუსელდორფში მოხდა. ტურნირიდან კი ქართველმა ფეხბურთელებმა ინგლისური ვესტ-ჰემიც გამოთიშეს.
შეიძლება ითქვას, რომ ეს ალბათ ყველაზე მემარცხენე საფეხბურთო მატჩი და ფინალი იყო. დინამომ კარლ-ცაისი დაამარცხა და ევროტურნირების ის სეზონი ტრიუმფით დაასრულა.
იმ ფინალში ორი საუკეთესო გოლი გავიდა, რომლის მსგავსიც მანამდე ალბათ ნანახი არ გექნებოდათ. ერთი გერმანულმა გუნდმა გაიტანა, მეორე კი დინამოელმა ვიტალი დარასელიამ. ქართველი ფეხბურთელის სოლორეიდი მართლაც რომ შთამბეჭდავი იყო“ – წერს ბრიტანული გამოცემა.
