ფეხბურთის და განსაკუთრებით „ბარსელონას“ ქომაგებს უსათუოდ ეცოდინებათ, რომ ლა-ლიგის მორიგ ტურში კატალონიელებმა დაძაბულ ბრძოლაში „ბეტისს“ 3:2 მოუგეს და საჭირო 3 ქულა მოიპოვეს.
რონალდ კუმანის შეგირდებმა მეტოქეს გამარჯვება ბოლო წუთზე გამოჰგლიჯეს, გოლი კი „ბარსელონას“ ახალგაზრდა ფორვარდმა ფრანცისკო ტრინკანმა 90-ე წუთზე გაიტანა. ნიშანდობლივია, რომ ეს 21 წლის შემტევისთვის „ბლაუგრანას“ რიგებში პირველი გოლი გახლდათ.
ჰოდა, ადგა ტრინკანიც და ამ ფაქტის აღსანიშნავად საკუთარ თავს იდეალური საჩუქარი გაუკეთა – ლამბორჯინი.
სპორტულ ავტომობილში „ბარსელონას“ პორტუგალიელმა ფეხბურთელმა 250 ათასი ევრო გადაიხადა.
