ქართული ფეხბურთი თუ რამით ამაყობს, უპირველესად 1981 წლის 13 მაისით.
ჰოდა, ზესტაფონში იმ ოქროს გოლის გამტანის და ლეგენდარული „დინამოს“ ფეხბურთელის, ვიტალი დარასელიას მემორიალური ქვა დააზიანეს.
აღნიშნული ინფორმაცია უეფას მედია ოფიცერმა მამუკა კვარაცხელიამ გაავრცელა.
„ჩემმა მეგობარმა ანრი გაჩეჩილაძემ მომაწოდა ეს წუთია!!! ვიტალი დარასელიას მემორიალი დაუმტვრევიათ არაკაცებს მდინარე უბისასთან… მაისის დასაწყისში იყო ჩვეულებრივად, ზუგდიდისკენ რომ მივდიოდით… ახალი დამტვრეულია…“ – წერს მამუკა კვარაცხელია სოციალურ ქსელში.
