ალექსანდრე წივწივაძე პოლონეთის ქალაქ პოზნანში, კანოეში მიმდინარე ევროპის ახალგაზრდული ჩემპიონატის გამარჯვებული გახდა.
17 წლის ნიჩბოსანმა 1000-მეტრიანი დისტანცია 4 წუთსა და 0.193 წამში დაფარა, რაც მონაწილეებს შორის საუკეთესო მაჩვენებელი აღმოჩნდა. შედეგად, წივწივაძე ევროპის ჩემპიონი გახდა.
ახალგაზრდა სპორტსმენის წარმატებას სოციალურ ქსელში ქართველი ნიჩბოსანი, ზაზა ნადირაძე გამოეხმაურა:
„ბევრი იცნობთ, მაგრამ კიდევ ბევრს მინდა გაგაცნოთ, რუსთაველი ნიჩბოსანი ალექსანდრე წივწივაძე! ამ ბიჭმა რამდენიმე წუთის წინ 18 წლამდე ევროპის ჩემპიონატი მოიგო. კიდევ ერთხელ გილოცავთ!“.
