დიადის დიდი აღიარება – როჯერი საუკეთესოა!

სხვაგვარად არც შეიძებოდა ყოფილიყო. ის, არა მხოლოდ თავისი ქვეყნის  და ჩოგბურთის, ზოგადად მსოფლიო სპორტის უნიკალური მოვლენაა.

შევეჩვიეთ, რომ როჯერ ფედერერი ტრადიციულ ყოველწლიურ ნომანაციებში შვეიცარიის წლის რჩეულ სპორტსმენად ხშირად სახედლებოდა, მაგრამ ამჯერად საქმე რადიკალურად განსხვავებულ სიტუაციასთან გვაქვს.

რკინის როჯერი, შვეიცარიის ბოლო 70 წლის საუკეთესო სპორტსმენად აღიარეს. ეს კი, პატარა ან სახუმარო ამბავი ნამდვილად არ გახლავთ.

გამოკითხვაში, „რკინის როჯერმა“  ხმების 49,1% მიიღო და მეორე ადგილზე გასულ დარიო კოლონს, რომელიც სამთო-სათხილამურო სპორტში 4-გზის ოლიმპიური ჩემპიონია საგრძნობი უპირატესობით გაუსწრო (12,2%), მესამეზე კი ასევე მოთხილამურე და ოლიმპიური ჩემპიონი პირმინ ცურბრიგენი (12,0%) გავიდა.

რაც შეეხება ქალთა გამოკითხვას, აქ ყველას ზამთრის სპორტის გენიალურმა წარმომადგენელმა, სამთო-მოთხილამურემ, სამგზის ოლიმპიურმა ჩემპიონმა ფრენი შნაიდერმა (41%) აჯობა.

„თითქოს დაუჯერებელ ზღაპარში ვიმყოფები. ასეთი დონის სპორტსმენების კომპანიაში ყოფნა ჩემთის უდიდესი პატივია. დღეს, არა მარტო მე, აქ ყველამ გავიმარჯვეთ, რადგან სპორტის მიმართ ლტოლვას ვგრძნობთ. ეს ჩემთვის ძალიან ამაღელვებელია. მადლობა ჩემ არაჩვეულებრივ გუნდს, მათ გარეშე ვერაფერს მივაღწევდი“ – აღნიშნა გენიალურმა როჯერ ფედერერმა დაჯილდოების ცერემონიალზე.