საფრანგეთის ნაკრებისა და “მანჩესტერ სიტის” 27 წლის ფეხბურთელი, ბენჟამინ მენდი გირაოს სანაცვლოდ ციხიდან გაათავისუფლეს. ინფორმაციას Daily Mail აქვეყნებს.
დღეს, სასამართლო მოსმენაზე, მოსამართლე პატრიკ ტომპსონმა მას გირაო გამოუწერა. გირაო 24 იანვრამდეა გათვლილი, ამის შემდეგ კი კიდევ ერთი მოსმენა გაიმართება.
ბენჟამინ მენდის ბრალად რვა დანაშაული ედება, ხუთი განსხვავებული ქალის მიმართ, მათ შორის შვიდი გაუპატიურება, რომელიც ეხებოდა ოთხ ქალს. ასევე სექსუალური ძალადობის ბრალდება.
შეგახსენებთ, რომ ბენჟამინ მენდი “მანჩესტერ სიტის” ღირსებას 2017 წლიდან იცავს. 27 წლის ფეხბურთელმა პირადი პრობლემების გამო მიმდინარე სეზონში მხოლოდ 1 მატჩის ჩატარება მოახერხა.
