23 წლის მეკარე, ავთანდილ ლაბაძე ქუთაისის “ტორპედოში” ჩაირიცხა.
ახალგაზრდა მეკარემ იმერულ გუნდში გადასვლის შემდეგ მედიასთან პირველი კომენტარი გააკეთა:
”ქუთაისის “ტორპედო” უდიდესი ტრადიციების მქონე გუნდია და ძალიან ბედნიერი ვარ, რომ მოვხვდი ამ გუნდში და მის ღირსებას დავიცავ.
ამისთვის მინდა დიდი მადლობა გადავუხადო სამწვრთნელო შტაბს და გუნდის ხელმძღვანელობას.
რაც შეეხება “ტორპედოს” მიზნებს, რა თქმა უნდა მაღალი მიზნები გვექნება. მხოლოდ მაღალი პოზიციებისთვის ვიბრძოლებთ, სხვა რამეს არც განვიხილავთ.
პირადად მე მაქსიმალურად დავიხარჯები, რომ დავეხმარო გუნდს ამ მიზნების განხორციელებაში.
ჩემთვის ბევრს ნიშნავს ისეთი მეკარეების გვერდით ვარჯიში, როგორებიც როინ კვასხვაძე და დინო ჰამზიჩი არიან. რა თქმა უნდა მე მათგან ბევრ რამეს ვსწავლობ და ვისწავლი.
დანარჩენს სეზონი გვანახებს, იმედი მაქვს რომ ყველაფერი კარგად იქნება.” – განაცხადა ავთანადილ ლაბაძემ.
ცნობისთვის, ავთანდილ ლაბაძეს კარიერის მანძილზე “ოსიპოვიჩში”, “შახტიროსა” და “სვეტლოგორსში” უთამაშია.
