მიუნხენის ტურნირის პარალელურად, სადაც ნიკოლოზ ბასილაშვილმა იჩემპიონა, პარალელურად ქალაქ ეშტორილში იმავე კატეგორიის ანუ 250-იანი ტურნირი მიმდინარეობდა.
პორტუგალიაში ამჯერად არ ჩავიდა ტურნირის მოქმედი ჩემპიონი სტეფანოს ციციპასი. ბერძენი ჩოგბურთელის არ ყოფნაში კი ალბერტ რამოს-ვინოლასმა ისარგებლა და ეშტორილის ტურნირის გამარჯვებული გახდა.
ვეტერანი ესპანელი ჩოგბურთელის მეტოქე ფინალში ბრიტანელი კამერონ ნორი იყო. გადამწყვეტი დაპირისპირება მოლოდინისამებრ საინტერესო და დაძაბული გამოდგა. მატჩი თითქმის 3 საათს გაგრძელდა და საბოლოოდ ალბერტ რამოს-ვინოლასმა – 4:6, 6:3, 7:6 მოიგო.
ეშტორილში ჩემპიონობით ესპანელმა ჩოგბურთელმა კარიერაში მესამე ტიტული მოიგო. აქამდე, ალბერტ რამოს-ვინოლასის აქტივში 2016 წელს შვედურ ბაშტადში და და 2019 წელს შვეიცარიულ გშტაადში ჩემპიონობა იყო.
