არავინ იცის როგორი მომღერალი დადგებოდა ან სპორტის სხვა სახეობებში რა წარმატებები ექნებოდა, მაგრამ კარგია, რომ მან თავისი ცხოვრება ფეხბურთს დაუკავშირა. მისი სახით, სპორტის ნომერმა პირველმა სახეობამ უდავოდ ამომავალი კაშკაშა ვარსკვლავი შეიძინა.
20 წლის ერლინგ ჰაალანდზე მოგახსენებთ, რომელიც ამჟამად „დორტმუნდის“ ღირსებას იცავს. ნორვეგიელ ფორვარდზე ტაციაობა არაერთ ევროპულ გრანდს აქვს გაჩაღებული და დიდი ალბათობით მას მალე რომელიმე გრანდში ვიხილავთ.
ისე კი, იყო შანსი ჰაალანდის ცხოვრება ისე წასულიყო, ფეხბურთთან მხოლოდ გულშემატკივრული კავშირი ჰქონოდა. ბავშვობაში ის დაკავებული იყო ხელბურთით, თხილამურებით და მძლეოსნობით. პირველი ორი, ნორვეგიაში საკმაოდ პოპულარული სპორტის სახეობებია და არავის გაუკვირდებოდა ერლინგიც რომელიმეს გაჰყოლოდა.
და როგორი იყო ერლინგ ჰაალანდი ფეხბურთამდე? ბევრს ალბათ არ ეცოდინება, რომ ნორვეგიელი ფეხბურთელი თინეიჯერობის პერიოდში მუსიკით იყო გატაცებული, კონკრეტულად კი ჰიპ-ჰოპით. 16 წლის ასაკში, ჰაალანდი ჯგუფ Flow Kingz-ის წევრიც იყო და ერთ-ერთ კლიპში მთავარ როლსაც ასრულებს.
ერლინგ ჰაალანდის იმ კლიპს და ნამღერს Youtube-ში 6 მილიონზე მეტი ნახვა აქვს.
