შოთა არველაძე საქართველოსა და უზბეკეთის ნაკრებების ამხანაგურ დაპირისპირებაზე და თავის სამომავლო გეგმებზე უზბეკურ მედიასთან ისაუბრა.
“საქართველო-უზბეკეთის მატჩს სახლში ვუყურებ. ვფიქრობ, საინტერესო შეხვედრა გამოვა. ორივე გუნდი ძლიერია. ძალიან ცუდია, რომ საქართველოს ეროვნული გუნდი ვერ ახერხებს სტაბილური თამაშის ჩვენებას. ეს თამაში სასარგებლო იქნება ორივე გუნდისთვის, მაგრამ განსაკუთრებით უზბეკეთის ნაკრებისთვის, რომელსაც ახალი მთავარი მწვრთნელი ჰყავს.
მთხოვეს საქართველოს ნაკრების ჩაბარება, მაგრამ ჩემი ნებით უარი ვთქვი ამ წინადადებაზე. მიზეზზე საუბარი არ მსურს. არის რამდენიმე კლუბი, რომლებიც ჩემით ინტერესდებიან, მაგრამ ჯერჯერობით წინადადებებს განვიხილავთ”, – განაცხადა შოთამ.
გავრცელებული ინფორმაციით, ქართველი სპეციალისტი შესაძლოა ინგლისის ჩემპიონშიპის “ჰალ სიტის” მთავარ მწვრთნელად ვიხილოთ.
შეგახსენებთ, რომ საქართველოს და უზბეკეთის ეროვნული გუნდების შეხვედრა გორში, 15 ნოემბერს გაიმართება.
