Sky Sport Italia-სთან საუბარში, მილანის სპორტულმა დირექტორმა ფრედერიკ მასარამ ატალანტას ნახევარმცველის, გუნდის კაპიტანი ალეხანდრო გომესის შეძენის შესაძლებლობაზე საკუთარი აზრი დააფიქსირა.
”გომესი შესანიშნავი ფეხბურთელია, მაგრამ ის ამჟამად ატალანტას ეკუთვნის და ჩვენ არ გვინდა მათ საქმეებში ჩარევა. ახლა შემიძლია ვთქვა, რომ მათი ურთიერთობა იდეალურად არ გამოიყურება და შესაძლოა რამე შეიცვალოს კიდეც.
ჩვენ ძლიერი შემადგენლობა გვყავს, მისით კმაყოფილი ვართ და იმედი გვაქვს, რომ თამაშს ისევე გავაგრძელებთ როგორც ამას ბოლო დროს ვახერხებთ.
ჩვენ უკვე დავამტკიცეთ, რომ ამოცანების იბრაჰიმოვიჩის გარეშე გადავჭრაც შეგვიძლია. მიუხედავად ამისა, ვიმედოვნებთ, რომ ის რაც შეიძლება სწრაფად დაბრუნდება, ეს ჩვენს სატრანსფერო მიზნებზე გავლენას არ ახდენს.
თუ გვეძლევა შესაძლებლობა, გუნდი გავაძლიეროთ სწორ ვითარებაში, მაშინ მის გამოყენებას ვცდილობთ. მაგრამ უნდა ითქვას, რომ იანვარში ბევრი კარგი ვარიანტი არ იქნება ”, – დაასრულა მასარამ.
