იტალიის ქალაქ ოლბიაში მიმდინარე ახალგაზრდა ძიუდოისტთა მსოფლიოს ჩემპიონატზე 60 კილოგრამ წონით კატეგორიაში მოასპარეზე გიორგი სარდალიშვილი ნახევარფინალში გავიდა.
გიორგიმ პირველ წრეში დაისვენა, მეორე ეტაპზე კი ჩილელ მეტოქეს მარტივად იპონით სძლია. 1/8-ში ქართველმა სპორტსმენმა მასპინძელი სიმონე ავერსა დააარცხა, 1/4-ში კი დაძაბულ ბრძოლაში ყაზახ შერზოდ დავლათოვს აჯობა.
60 კილოგრამში სარდალიშვილთან ერთად მედლისთვის ბრძოლას შაქრო შათირიშვილიც განაგრძობს, თუმცა ბრინჯაოს მედლისთვის. 19 წლის სპორტმსენი 1/4 ფინალში დამარცხდა და რეპეშაჟში გადაერთო. ახალგაზრდა ძიუდოისტის მეტოქე დამამშვიდებელ შეხვედრაში ფრანგი სპორტსმენი იქნება.
დღეს საქართველოს სახელით ქალებში, 52 კილოგრამ კატეგორიაში მარიამ ლაფაჩიშვილიც გამოვიდა, თუმცა ასპარეზობას პირველივე შეხვედრაში გამოეთიშა.
შაქრო შათირიშვილის შეხვედრა დაახლოებით 20 წუთში პირველ ტატამიზე შედგება. გიორგი სარდალიშვილი კი დაახლოებით ნახევარ საათში მეორე ტატამიზე იჭიდავებს.
