ბრუკლინ ნეთსის ვარსკვლავურმა მცველმა ჯეიმს ჰარდენმა განაცხადა, რომ ის 2021 წლის ტოკიოს ოლიმპიადაზე, ამერიკის შეერთებული შტატების ნაკრებში, პლეი-ოფის დროს მიღებული ტრავმის გამო არ ითამაშებს.
დეტროიტის თავდამსხმელმა ჯერამი გრანტმა, თავის მხრივ, განაცხადა, რომ მზად არის ამ ზაფხულს ეროვნული ნაკრების ფორმა მოირგოს.
ამით გრეგ პოპოვიჩის გუნდი საბოლოოდ დაკომპლექტდა და თუ რომელიმე მოთამაშეს ხელი ტრავმამ არ შეუშალა, ის აღარც შეიცვლება.
12 კაციანი შემადგენლობა ასეთია:
დევინ ბუკერი (ფინიქსი), კევინ დურანტი (ბრუკლინი), ბემ ადებაიო (მაიამი), ბრედლი ბილი (ვაშინგტონი), დემიენ ლილარდი (პორტლენდი), ჯეისონ ტატუმი (ბოსტონი), დრეიმონდი გრინი (გოლდენ სტეიტი), კრის მიდლტონი, ჯრიუ ჰოლიდეი (ორივე მილუოკი), კევინ ლავი (კლივლენდი) და ზაკ ლავინი (ჩიკაგო).
ტოკიოში კალათბურთის ოლიმპიური ტურნირი 25 ივლისს იწყება. 10-18 ივლისიდან აშშ-ს ნაკრები მოსამზადებელ მატჩებს ავსტრალიასთან (ორჯერ), არგენტინასთან, ესპანეთსა და ნიგერიასთან გამართავს.
