გუშინ, გოგა ბითაძემ კარიერის ერთ-ერთი საუკეთესო მატჩი ჩაატარა ამერიკის ნაციონალურ საკალათბურთო ლიგაში. “ინდიანა პეისერსის” 22 წლის ქართველმა ცენტრმა პირადსარეკორდო – 20 ქულა მიითვალა, თან ისე, რომ ყველა სროლა ჩააგდო.
აღსანიშნავია, რომ გუშინ, საინტერესო დამთხვევა დაფიქსირდა. ზაზა ფაჩულიამ და გოგა ბითაძემ NBA-ში ქულების რეკორდი ერთ დღეს – 7 მარტს დაამყარეს. ზაზამ ეს 2007 წელს გააკეთა. გოგამ კი 2022 წელს. აქვე გეტყვით, რომ რეკორდული მაჩვენებელი ორივემ “ვაშინგტონ ვიზარდსთან” დააფიქსირა.
