იტალიის ქალაქ ოლბიაში მიმდინარე ახალგაზრდა ძიუდოისტთა მსოფლიო ჩემპიონატზე 60 კილოგრამ წონით კატეგორიაში მოასპარეზე გიორგი სარდალაშვილი ფინალში გავიდა და ქართულ დელეგაციას პირველი მედალი გაუნაღდა.
18 წლის სპორტსმენმა ნახევარფინალში ისრაელის წარმომადგენელი გაფრთხილებებით დაამარცხა და ფინალში ჭიდაობის უფლება მოიპოვა.
გიორგიმ პირველ წრეში დაისვენა, მეორე ეტაპზე კი ჩილელ მეტოქეს მარტივად იპონით სძლია. 1/8-ში ქართველმა სპორტსმენმა მასპინძელი სიმონე ავერსა დააარცხა, 1/4-ში კი დაძაბულ ბრძოლაში ყაზახ შერზოდ დავლათოვს აჯობა.
სამწუხაროდ, ამავე წონაში რეპეშაჟის შეხვედრა შაქრო შათირიშვილმა დათმო და ბრინჯაოს მედლისთვის ბრძოლას გამოეთიშა.
ფინალური ბლოკი თბილისის დროით 18:00 საათზე დაიწყება. გიორგი სარდალაშვილის მეტოქე ფინალში აზერბაიჯანელი ტურან ბაირამოვი იქნება.
