იტალიის ქალაქ ოლბიაში მიმდინარე ძიუდოს ახალგაზრდულ მსოფლიოს ჩემპიონატზე საქართველოს ნაკრებს 60 კილოგრამში მოასპარეზე გიორგი სარდალაშვილმა პირველი და ამავდროულად უმაღელსი სინჯის მედალი მოუპოვა. 18 წლის სპორტსმენმა ფინალში აზერბაიჯანელი მეტოქე იპონით დაამარცხა და მსოფლიოს ჩემპიონი გახდა.
გიორგიმ ფინალამდე დიდი გზა გაიარა. ახალგაზრდა სპორტსმენმა პირველ წრეში დაისვენა, მეორე ეტაპზე კი ჩილელ მეტოქეს მარტივად იპონით სძლია. 1/8-ში ქართველმა სპორტსმენმა მასპინძელი სიმონე ავერსა დააარცხა, 1/4-ში კი დაძაბულ ბრძოლაში ყაზახ შერზოდ დავლათოვს აჯობა. 18 წლის სპორტსმენმა ნახევარფინალში ისრაელის წარმომადგენელი დაამარცხა.
ხვალ, საქართველოს სახელით 3 ძიუდოისტი იასპარეზებს. ქალებში, 57 კილოგრამში ნინო ლოლაძე და რეგინა უთნელიშვილი იასპარეზებენ, 63 კილოგრამში კი საქართველოს ღირსებას ინდირა სილაგაძე დაიცავს.
