თელავს ახალი მთავარი მწვრთნელი ჰყავს

საფეხბურთო კლუბი „თელავი“ მიმდინარე ეროვნული ლიგის აუტსაიდერია. 13 ტურის შემდეგ კახური გუნდი 8 ქულით სატურნირო ცხრილში ბოლო ადგილზეა.

არასახარბიელო შედეგების გამო „თელავიდან“ მთავარი მწვრთნელი რევაზ გოცირიძე დაითხოვეს, რის შემდეგაც გუნდს დროებით ბესიკ აბულაძე თავკაცობდა.

ახლა კი თელევალებს ახალი მწვრთნელი ჰყავს – გიორგი მიქაძე. 41 წლის სპეციალისტს ზურგს საკმაო გამოცდილება უმაგრებს. “ზესტაფონი”, მარტვილის “მერანი”, საქართველოს 17, 19 და 20-წლამდელთა ნაკრებები, “სამტრედია”. ეს იმ გუნდების ჩამონათვალია, სადაც მიქაძეს აქამდე უმუშავია და წარმატებითაც.

მიქაძის პირველი თანაშემწე ბესიკ აბულაძე იქნება, ხოლო მეორე ასისტენტად ახლო წარსულში ცნობილი ფეხბურთელი, 39 წლის სერგი ორბელაძე იმუშავებს, მეკარეების მწვრთნელობა კი  ლევან აბაშიძეს ანდეს.