ევროპის სუპერლიგამ საფეხბურთო სამყაროში დიდი არეულობა შემოიტანა. ეს რევოლუციური პროექტი ფიფა-უეფას მკაცრი მუქარების შემდეგ მალევე შეჩერდა და თავდაპირველად იქ მყოფი გუნდების დიდი ნაწილიც, მოგვიანებით განზე გადგა.
სუპერლიგის ირგვლივ მსჯელობა ალბათ კიდევ დიდხანს გაგრძელდება და ამ თემას ადვილად არავინ დაივიწყებს. აი, მაგალითად იტალიური გუნდები, იტალიური გუნდების დასჯას ითხოვენ.
კერძოდ, სერიას ა-ს 11 გუნდმა პეტიცია შეიმუშავა და „იუვენტუსის“, „მილანის“ და „ინტერის“ მიმართ მკაცრი სანქციების გატარებას ითხოვენ. შეგახსენებთ, ტურინული და მილანური გრანდები იმ 12 გუნდს შორის იყვნენ, რომლებმაც სუპერლიგის დაარსებას მხარი დაუჭირეს და ამ პროექტში გაწევრიანდნენ.
„რომა“, „კალიარი“, „ბენევენტო“, „სპეცია“, „პარმა“, „ჯენოა“, „ბოლონია“, „ტორინო“, „სამპდორია“, „სასუოლო“, „კროტონე“ – ეს სერია ა-ს ის გუნდები არიან, რომლებმაც პეტიციას ხელი მოაწერეს და სუპერლიგაში შესული იტალიური გრანდების დასჯას ითხოვენ.
