მას შემდეგ, რაც ჟოზე მოურინიო „ტოტენჰემიდან“ დაითხოვეს და რაიან მეისონმაც აღნიშნულ პოსტზე უარი განაცხადა, „დეზებისთვის“ სასურველი კანდიდატი ანტონიო კონტე იყო, თუმცა იტალიელმა სპეციალისტმაც ლონდონურ კლუბის გაწვრთნაზე უარი განაცხადა.
The Guardian-ის ცნობით, „მამლების“ ახალი სპორტული დირექტორი ფაბიო პარატიჩი პაულუ ფონსეკას ესაუბრა, რომელმაც გასული სეზონის ბოლოს „რომა“ დატოვა.
წყაროს თანახმად, „ტოტენჰემის“ ხელმძღვანელობამ კვირის ბოლოს პორტუგალიელ მწვრთნელთან მოლაპარაკებები აწარმოა და შეთანხმებას მიაღწია. ის გუნდთან 2+1-წლიან ხელშეკრულებას გააფორმებს. ხელშეკრულების ფინანსური დეტალები უცნობია, თუმცა როგორც ინგლისური პრესა წერს, მხარეები კონტრაქტს ოფიციალურად 16 ივნისს გააფორმებენ.
