მარიამ ბოლქვაძე პორტუგალიის ქალაქ მონტემორუნოვუში მიმდინარე საჩოგბურთო ტურნირზე ასპარეზობას აგრძელებს. 23 წლის ქართველი ჩოგბურთელი, რომელიც ATP-ის რეიტინგში 221-ეა, ITF ტურნირის მეოთხედფინალში წრეში 24 წლის ფრანგ ჯესიკა პონშეს შეხვდა და მეტოქე ორ სეტში დაამარცხა – 6:3, 6:1.
ფრანგმა ქართველ ჩოგბურთელს პირველ სეტში წინააღმდეგობა გაუწია და 3 გეიმი მოიგო, მეორე სეტში მარიამი შეუჩერებელი იყო და მეტოქეს 6:1 სძლია. აღსანიშნავია, რომ ბოლქვაძემ ტურნირის პირველი ორი მატჩის მეორე სეტები ერთნაირი ანგარიშით მოიგო – 6:1.
პირველი წრე – მარიამ ბოლქვაძე 6:4, 6:1 აკიკო ომაე (იაპონია)
მეორე წრე – მარიამ ბოლქვაძე 6:3, 6:1 ინგრიდ გამარა მარტინსი (ბრაზილია)
მესამე წრე – მარიამ ბოლქვაძე 6:3, 6:1 ჯესიკა პონშე (საფრანგეთი)
ქართველი ჩოგბურთელი მომდევნო შეხვედრას 12 ივნისს გამართავს. მისი მეტოქე იაპონელ ჩოგბურთელებს, მაი ჰონტამასა და ლილი მიაზაკის შორის გაირკვევა.
