კვიპროსის ჩემპიონატის მე-5 ტურის მატჩში ფამაგუსტა „ანორთოსისმა“ შინ ნიქოზიას „აპოელი“ მიიღო და მინიმალური სხვაობით 2:1 დაამარცხა.
აღნიშნულ შეხვედრაში თავი გიორგი ქვილითაიამ გამოიჩინა და „აპოელის“ შემადგენლობაში სადებიუტო გოლი გაიტანა. მატჩის 30-ე წუთზე 28 წლის ქართველმა საკუთარი გუნდი დააწინაურა, გიორგის გოლის მიუხედავად ნიქოზიელებმა ანგარიშის შენარჩუნება ვერ შეძლეს და მინინალური სხვაობით დამარცხდნენ.
თემურ ქეცბაის გუნდში ძირითად შემადენლობაში გიორგი ლორია იყო, ნიკა კაჭარავამ და ნიკა ნინუამ კი მთელი მატჩი სათადარიგოთა სკამზე გაატარეს, „აპოელში“ ქვილითაიამ შეხვედრა შეუცვლელად ჩაატარა, მურთაზ დაუშვილი კი მატჩში 55-ე წუთზე ჩაერთო.
შეგახსენებთ, რომ თორნიკე ოქრიაშვილმა მატჩი დისკვალიფიკაციის გამო გამოტოვა.
თემურ ქეცბაიას გუნდი მომდევნო შეხვედრას ლიმასოლის „აელის“ წინააღმდეგ გამართავს. სავას პურსაიტიდისის გუნდი კი შინ „აჩნასს“ დაუპირისპირდება.
გიორგი ქვილითაია და გიორგი ლორია ოქტომბრის სანაკრებო პაუზაზე საქართველოს ნაკრებს შეუერთდებიან და მოახლოვებული მატჩებისთვის მოემზადებიან.
