ბელგიის თასის 1/8 ფინალში გიორგი მიქაუტაძის „სერენი“ საკუთარ მოედანზე „ანდერლეხტს“ დაუპირისპირდა და პენალტების სერიაში დამარცხდა.
თერმტეტმეტრიანებამდე გულშემატკივარმა ნამდვილი თრილერი იხილა. მატჩის ძირითადი და დამატებითი დრო 3:3 მორჩა. თავდაპირველად, ქართველი ფეხბურთელის გუნდი 2:0-ს იგებდა. მასპინძლებმა ორივე გოლი პენალტით გაიტანეს, რომელიც ზუსტად ჯერ იუსუფ მასიზმა, შემდეგ კი გიორგი მიქაუტაძემ შეასრულა. სამწუხაროდ „სერენმა“ უპირატესობის შენარჩუნება ვერ მოახერხა და „ანდერლეხტმა“ წონასწორობა პირველივე ტაიმში აღადგინა. სტუმრები მეორე ნახევრის დებიუტში დაწინაურდნენ, თუმცა მე-60 წუთზე მიქაუტაძის ასისტით ანგარიში იუსუფ მასიზმა გაათანაბრა.
გიორგი მიქაუტაძის გოლი
გიორგი მიქაუტაძის შედეგიანი გადაცემა
ძირითად დროში და დამატებით ტაიმებში ანგარიში აღარ შეცვლილა, პენალტების სერია კი „სერენმა“ 3:4 წააგო. აღსანიშნავია, რომ ერთ-ერთი პენალტი ქართველმა ფეხბურთელმაც დაარტყა და ზუსტად შეასრულა.
