უცნობი კადრები: მატჩის შედეგით უკმაყოფილო რონალდუ გასახდელში კუადრადოს დაუპირისპირდა

სოციალურ ქსელში „იუვენტუსის“ დოკუმენტურ ფილმში გადარებული კადრები ვრცელდება, რომელიც 2020/21 წლების სეზონით თარიღდება.

18 თებერვალს, ჩემპიონთა ლიგის მერვედფინალში როდესაც ტურინულმა გუნდმა „პორტუსთან“ პირველი ტაიმი 1:0 წააგო, შედეგით უკმაყოფილო კრიშტიანუ რონალდუ თავის თანაგუნდელს, ხუან კუადრადოს დაუპირისპირდა. დიალოგი ასე წარიმართა:

რონალდუ – „როგორც ნე*ვი, ისე ვთამაშობთ!“

კუადრადო – „დამშვიდდი, შენ ყველასთვის მაგალითი უნდა იყო“

რონალდუ – „ერთმანეთს სიმართლე უნდა ვუთხრათ, საშინლად ვთამაშობთ“.

საბოლოოდ, სიტუაცია გუნდის მაშინდელმა მთავარმა მწვრთნელმა, ანდრეა პირლომ განმუხტა და ორივე ფეხბურთელს სიმშვიდისკენ მოუწოდა.

აღნიშნული დაპირისპირება „იუვენტუსმა“ 2:1 წააგო, საპასუხო მატჩში კი 3:2 გაიმარჯვა, მაგრამ სტუმრად გატანილი ბურთის უპირატესობით მომდევნო ეტაპზე პორტუგალიური კლუბი გავიდა.