ცნობილი უკრაინელი ძიუდოისტი, დარია ბილოდიდი სოციალურ ქსელში განცხადებას ავრცელებს და რუსეთს საომარი მოქმედებების შეწყვეტისკენ მოუწოდებს.
„დილის 6 საათზე, კიევში აფეთქებების ხმამ გამაღვიძა – სიტყვები არ მყოფნის. ძალიან მეშინია, ვლოცულობ ჩემი ოჯახისა და ქვეყნისათვის. რუსეთმა ჩვენი დაბომბვა დაიწყო, ომი დაიწყო. ამ წუთამდე არ მჯეროდა, რომ ეს მოხდებოდა. რატომ? რატომ ანადგურებთ ადამიანების სიცოცხლეს? რუსეთი და ბელარუსი – შეწყვიტეთ! ჩვენ გვინდა მშვიდობა, ჩვენ გვინდა სიცოცხლე!“ – წერს დარია ბილოდიდი.
შეგახსენებთ, რომ რუსეთმა უკრაინას ომი თბილისის დროით დღეს, 07:00 საათიდან გამოუცხადა.
