ევროპის ჩემპიონატზე დანიისა და ფინეთის მატჩის დროს კრისტიან ერიქსენის შეუძლოდ გახდომასთან დაკავშირებით უეფამ პირველი ოფიციალური განცხადება გაავრცელა.
„კრისტიან ერიქსენი საავადმყოფოშია გადაყვანილი და მისი მდგომარეობა დასტაბილურდა“, – წერს უეფა.
ევროპის ჩემპიონატზე, B ჯგუფის პირველი ტურში დანიისა და ფინეთის ნაკრებების შეხვედრის მიწურულს დანიის ნაკრების კაპიტანი მოულოდნელად შეუძლოდ გახდა და გაზონზე უგონოდ დაეცა.
ფეხბურთელს მაშინვე სამედიცინო დახმარება აღმოუჩინეს და რამდენიმე წუთის განმავლობაში ხელოვნურ სუნთქვას უკეთებდნენ, საბოლოოდ ექიმებმა ერიკსენი სამედიცინო დაწესებულებაში გადაიყვანეს. მას სავარაუდოდ გულის შეტევა დაემართა.
