უეფამ და ფიფამ რუსეთის ნაკრები და რუსული კლუბები ყველა საერთაშორისო ჩემპიონატიდან მოხსნენს.
აღნიშნული საკითხის შესახებ, თბილისის „დინამოს“ და სსრკ-ს ნაკრების ყოფილმა მეკარემ, ანზორ კავაზაშვილმა, ისაუბრა.
„ფიფა და უეფა პოლიტიკური კი არა, მხოლოდ სპორტული მნიშვნელობის ორგანიზაციებია. მათ არ აქვთ უფლება, პოლიტიკური ხასიათის გადაწყვეტილება მიიღონ.
მათი გადაწყვეტილება ნამდვილი საზიზღრობაა. ფეხბურთელები და ხალხი ამ შემთხვევაში ომთან კავშირში არ არიან. რისთვის სჯიან? ევროკავშირმა აშშ-ს კარნახით უკვე შემოიღო ცალკეული პირების მიმართ სანქციები. მე მესმის, როდესაც ოლიმპიური კომიტეტი დაისაჯა ვითომ დოპინგის გამო, მაგრამ ის ვერდიქტი სწორედ დოპინგის სკანდალის გამო იქნა მიღებული. ახლა კი სპორტსმენებს უკრაინაში სიტუაციის გამო სჯიან.
ეს ჩვენი ქვეყნის მიმართ ნამდვილი პოლიტიკური პროვოკაციაა. ვთვლი, რომ რუსეთის ფეხბურთის კავშირმა დაუყოვნებლივ უნდა მიმართოს ლოზანის სპორტულ საარბიტრაჟო სასამართლოს პროტესტით ფეხბურთს პოლიტიკასთან კავშირი არ აქვს“, – ამბობს კავაზაშვილი.
