გიორგი ჩაკვეტაძისთვის, როგორც ქართველი ადამიანისთვის მოძმე უკრაინის ომი განსაკუთრებულად მძიმეა.
აღნიშნულ თემას გერმანული გამოცემა mopo.de გამოეხმაურა:
“ჰამბურგის” თავდამსხმელმა, გიორგი ჩაკვეტაძემ თავის ინსტაგრამის პროფილზე გამოაქვეყნა უკრაინის დროშა სლოგანით: „თავისუფლება უკრაინას!“ აშკარაა, თუ რამდენად მძიმეა პირადად ჩაკვეტაძისთვის დაწყებული ომი.
„ჩაკი“ უკრაინას მხარს უჭერს არა მხოლოდ დროშით, თავდამსხმელმა ასევე გამოაქვეყნა რომან იარემჩუკის, უკრაინელი თავდამსხმელის სურათები, რომელმაც ოთხშაბათს ღამით “ბენფიკას” მაისურით ჩემპიონთა ლიგაზე ამსტერდამის “აიაქსთან” შეხვედრაში გოლი გაიტანა, რის შემდეგაც მის ქვეყანას მხარდაჭერა გამოუცხადა.
უკრაინის ომი ჩაკვეტაძისთვის უფრო პირადულია, ვიდრე ნებისმიერი სხვა ამჟამინდელი “ჰამბურგის” ფეხბურთელისთვის. ქართველი გერმანულ გუნდში ერთადერთი მოთამაშეა ერთ-ერთი ყოფილი საბჭოთა რესპუბლიკიდან (1991 წელს დაშლამდე), მისი ქვეყანა რუსეთის შემადგენლობაში იყო.
საქართველოსგან უკრაინას მხოლოდ შავი ზღვა ჰყოფს. ასე რომ, “ჩაკის” ახლობლებისთვის ომი თითქმის ახლოსაა და მისი წუხილიც შესაბამისად დიდია.” – წერია mopo.de-ს სტატიაში.
შეგახსენებთ, რომ გიორგი ჩაკვეტაძის “ჰამბური” გერმანიის თასის ნახვეარფინალში ითამაშებს.
